ನಾಚುತ್ತಾಳೆ ನನ್ನವಳು

ನಯವಂತಳು, ನಾಜೂಕಿನವಳು, ಪ್ರೀತಿಯ ಮಾತಾಡಿದರೆ ನಾಚುತ್ತಾಳೆ

ಅಂಜಿಕೆ ಇಲ್ಲದಿದ್ದರೂ ಅಳುಕುತ್ತಾಳೆ, ಅಳುಕಿ ಬಳಳುತ್ತಾಳೆ,

ಒಲವಿನ ಬಳ್ಳಿ ನನ್ನಲ್ಲಿ ಅರಳಿ, ಅವಳನ್ನು ಆದರಿಸಿದರೂ ನಾಚುತ್ತಾಳೆ

ನನ್ನ ಚೆಲುವೆ ...ನನ್ನ ಒಲವು ಕಂಡು ... ತುಂಬಿ ತುಂಬಿ ನಾಚುತ್ತಾಳೆ .

ಕಾಣಲು ತವಕಿಸುತ್ತಾಳೆ ಕಂಡರೆ ಮಿಡಿಯುತ್ತಾಳೆ

ನನ್ನೊಡಲು ಬರುತ್ತಾಳೆ ಮೆಚ್ಚಿಕೊಂಡು ಹಾಡುತ್ತಾಳೆ ,

ನಕ್ಕು ನಕ್ಕು ನನ್ನೊಡನೆ ಸಂತಸ ಪಡುತ್ತಾಳೆ

ಮತ್ತೆ ಕಂಡು ಮನೆಯವರ ಮುಂದೆ ನಾಚುತ್ತಾಳೆ ... ನಾಚುತ್ತಾಳೆ ನನ್ನವಳು.