Thursday, July 19, 2012


ಕಣ್ಣು ಮುಚ್ಚಾಲೆ 

ಕಣ್ಣು ಕಣ್ಣಲ್ಲೇ, ಕಣ್ಣು ಮುಚ್ಚಾಲೆ 
ಕಣ್ಣ ಸನ್ನೆಯಲ್ಲೇ ಪ್ರೀತಿಯ ಓಲೆ 
ನವಿರು ಕಣ್ಣಗಳ  ಮೇಲೆ 
ಹಣೆಯ ಚುಂಬಿಸುವ ಮುಂಗುರುಳ ಮಾಲೆ
ಕೆಂಪು ತುಟಿಗಳ ಅಧರದ ಸೆಲೆ 
ಆ ಸುಳಿಗಳಲ್ಲಿ ಸಿಲುಕಿ ಜಾರಿಬಿಡಲೇ   
ತಂಪನೆಯ ಗಾಳಿಯ ಅಲೆ 
ಸೋಕಿದೆ ನಿನ್ನ ಮೃದು ಗಲ್ಲದ ಮೇಲೆ 
ಮೆಲ್ಲುಸಿರು ಗಾನಕೆ ಹಾರಿದೆ ನಿನ್ನ ಕೇಶದ ಬಲೆ 
ನಿನ್ನ ಅಂದಕೆ ಸೋಲದೆ, ನಾ ಹೇಗಿರಲಿ ಬಾಲೆ ?

Friday, July 13, 2012

ನಿನ್ನ ಗೆಜ್ಜೆ ಸದ್ದು ಕೇಳಿದಾಗಲೆಲ್ಲಾ ನಾ ಕವಿಯಾಗಬೇಕು ಅನ್ನಿಸುತ್ತದೆ 


ಆ ನಾದ ಕೇಳದೆ ಹೋದಲ್ಲಿ, ನನ್ನ ಮನಸು ಕಪಿಯಾಗುತ್ತದೆ...!
 
 ಭಾವಪ್ರಿಯ

Wednesday, July 11, 2012

ನಮ್ಮ ಕನ್ನಡದ ಬ್ಲಾಗು

ನಮ್ಮ ಕನ್ನಡದ ಬ್ಲಾಗು
ಒಂದು ಚಿಂತಕರ ಚಾವಡಿ
ಚಿಗುರು ಕನಸುಗಳಿಗೆ ಒಂದು ಮುನ್ನುಡಿ
ಅರಳುವ ಭಾವಗಳಿಗೆ ಒಂದು ಕೈಪಿಡಿ
ಮನಸಿನ ಭಾವನೆಯ ಹಂಚಿಕೊಳ್ಳಲು ದಿನಚರಿ

ನಮ್ಮ ಕನ್ನಡದ ಬ್ಲಾಗು
ನೊಂದ ಮನಸಿಗೆ ಸಾಂತ್ವನ ಹೇಳುವ ವೇದಿಕೆ
ಸೋತ ಮನಗಳಿಗೆ ಧೈರ್ಯ ತುಂಬುವ ತಾಣ
ಜಯ ಸಾಧಿಸಿದ ಹೃದಯಗಳಿಗೆ ಅಭಿನಂದಿಸುವ ವನ
ಗುರಿಯ ಮುಟ್ಟಲು ಹುರಿದುಂಬಿಸುವ ಬಣ

ನಮ್ಮ ಕನ್ನಡದ ಬ್ಲಾಗು
ನಗೆ ಹಂಚುವ ಹನಿಗವನ
ಉಲ್ಲಾಸ ನೀಡುವ ಪ್ರೀತಿಯ ಗಾನ
ಕವಿ ಕವಿಯಿತ್ರಿಯರ ಸುಮಧುರ ಪದಗಳ ನರ್ತನ
ಪ್ರೀತಿಯ ಹರಿಸುವ ಆನಂದನವನ

ಕನ್ನಡ ಬ್ಲಾಗಿನ ಹುಟ್ಟು ಹಬ್ಬದ ಪ್ರಯಯುಕ್ತ ......
ಪ್ರೀತಿಯಿಂದ ,
" ಭಾವಪ್ರಿಯ "

Monday, July 09, 2012


ಜೋಡಿ ಹಕ್ಕಿ

ಅಕ್ಕ ಪಕ್ಕದ ಮನೆಯ ಜೋಡಿ ಹಕ್ಕಿ
ಯಾರ ಹುಡುಕುವೆ ಹೆಕ್ಕಿಹೆಕ್ಕಿ
ಅತ್ತ, ಇತ್ತ , ಮೇಲೆ ಕೆಳಗೆ
 ಗೂಡಲಿ,  ಮರದಲಿ,
ಏನನ್ನು ನೋಡುತಿರುವೆ ಇಣುಕಿ ಇಣುಕಿ  ?

ಅತ್ತೆಗೊಂದು ಕಾಲ ..
ನೀನು ಅಂದು ನಗುತಿದ್ದೆ ನಿನ್ನ ವಂಚನೆ  ಸಾಧಿಸಿದಿ ಎಂದು...
ಇಂದು ನಾ ನಗುತಿರುವೆನಿನ್ನ  ವಂಚನೆಗೆ ಫಲವ ತಂದು...!

Saturday, July 07, 2012


ಅವ್ವ ನನಗ ಇಂತಹ ಹುಡುಗಿನ ಬೇಕ

ಸೀರಿ ಉಡಾಕ ಅಕೀಗ ಬರಬೇಕು
ಹಣಿಯಾಗ ಬೊಟ್ಟಿಡಬೇಕು
ತಲಿತುಂಬಾ ಹೂ ಮುಡಿದಿರಬೇಕು
ತಳಕು ಬಳುಕೋ ನಾಚುವ ಬಳ್ಳಿಯಾಗಿರಬೇಕು
ರೊಟ್ಟಿ ಮಾಡಕ ಬರಬೇಕು
ಮನೀನು ಸ್ವಚ್ಛಗ ಇಡಬೇಕು
ದೇವರ ಪೂಜೆ ಮಾಡಬೇಕು
ಗುರು ಹಿರಿಯರಲ್ಲಿ ಭಕ್ತಿ ಕೂಡ ಇರಬೇಕು
ಗಂಡನ ಮೇಲೆ ಅಭಿಮಾನವಿರಬೇಕು
ಅನುಕಾಲ ಪ್ರೀತಿ ಹರಿಸಬೇಕು
ನನ್ನ ಬಾಳ ಬೆಳಗುವ ನಂದಾದೀಪವಾಗಬೇಕು
ಅವ್ವ ನನಗ ಇಂತಹ ಹುಡುಗಿನ ಬೇಕ.

***ಭಾವಪ್ರಿಯ***