ಲೋಲಕ ತೂಗು ಗಡಿಯಾರ

ಸಮಯವೀಗ ಲೋಲಕ ತೂಗು ಗಡಿಯಾರ
ಅತ್ತಿಂದಿತ್ತ... ಇತ್ತಿಂದತ್ತ ತೊಳಲಾಡುತಿರಲು
ಕಾಲವೂ ಸರಿಯುತಿದೆ...
ಗುರುತಿಲ್ಲ ದಿಸೆಯಿಲ್ಲದೆ...
ಸಾಗಿಹೋಗುತಿಹೆವು ಪರಿವೆಯೇ ಇಲ್ಲದೆ.
ಗುರಿಯೇ ಇಲ್ಲದ ದಾರಿ
ಮುಂದೇನಿದೆ ಅರಿಯದಾಗಿದೆ..
ಕಾಲ ಹೇಗೆ ಕಳೆಯುತಿದೆಯೋ
ಹಗಲುರಾತ್ರಿಗಳು ಅದಲುಬದಲು
ನಿತ್ಯವೂ ಅದೇ ತೊಳಲಾಟ
ಲೋಲಕ ತೂಗು ಗಡಿಯಾರ !!

ನಮ್ಮಯ ಕನ್ನಡ

ಮೊಗ್ಗರಳಿ ಹೂವಾಗಲಿ ಕನ್ನಡ
ಎಲ್ಲರ ಮನದ ಮಗುವಾಗಲಿ ಕನ್ನಡ !
-----------------------------------

ಬೀಸುತ್ತಿರಲಿ ಮಿಡಿತದ ಗಾಳಿ ತಂಪು
ಪಸರಿಸಲಿ ಎಲ್ಲೆಡೆ ಕನ್ನಡದ ಕಂಪು !