ಸ್ತ್ರೀ ವಿರೋಧಿ

ಹುಟ್ಟುತ್ತಲೆ ಮಗನ ತ್ಯಜಿಸಿ 
ಕಸದ ತೊಟ್ಟಿಗೆ ಎಸೆದಳು ಇವಳೆಂತಾ ಹೆಣ್ಣು ?
ಬೀದಿಯಲ್ಲಿ ಬೆಳೆದ.. ಭಿಕ್ಷೆ ಬೇಡಲೆಂದು ಹೋದವನಿಗೆ,
ದೂರ ದೂಡಿದಳು ಇವಳೆಂತಾ ಹೆಣ್ಣು..?
ಕಲಿತು ದೊಡ್ಡವನಾಗಿ ಬೆಳೆಯಬೇಕೆನ್ನುವಾಗ ಸಿಕ್ಕಳೊಬ್ಬಳು ಹುಡುಗಿ
ಪ್ರೀತಿಯ ಹೆಸರು ಹೇಳಿ ಮನ ಕೆಡಸಿ ನಡೆದಳು ಇವಳೆಂತಾ ಹೆಣ್ಣು ?
ಮಾಯೆಗೆ ಮರುಳಾಗಿ ಮದುವೆ ಬಂಧನಕ್ಕೆ ಜಾರಿದ,ನಟನೆಯ ಸುಳಿ ಬೆಸೆದಳು..
ಮನೆಯ ದೋಚಿ ಓಡಿ ಹೋದಳು ಮರ್ಯಾದಿಯ ಕಳೆದು.. ಇವಳೆಂತಾ ಹೆಣ್ಣು. ? 
ಪ್ರತಿ ಹೆಜ್ಜೆಗೂ ಮೋಸ ಹೋದವ ಒಬ್ಬ ಗಂಡು,
ಅದಕ್ಕೆ ಇವನು ಇಂದು ಸ್ತ್ರೀ ವಿರೋಧಿ ಬೆಂಕಿಯ ಚೆಂಡು.

ಅರುಣರಾಗ

ಚುಮು ಚುಮು ಚಳಿ ಮೈ ಸೊಕಿದಾಗ


ಮಂಜಾನೆಯ ಮಂಜು ಕಣ್ಣಾವರಿಸಿದಾಗ

ಹಕ್ಕಿಗಳ ಚಿಲಿಪಿಲಿ ಮುಗಿಲು ಮುಟ್ಟಿದಾಗ

ಸೂರ್ಯನ ಕಿರಣಗಳು ಭುವಿ ತಟ್ಟಿದಾಗ

ಸಮಸ್ತ ಮನು ಸಂಕುಲಕೆ ಶುಭ ಅರುಣರಾಗ .!



***ಭಾವಪ್ರಿಯ***

ಇಬ್ಬನಿ

ಮಾಗಿಯ ಚಳಿಯಲ್ಲಿ ಇಬ್ಬನಿ..,
ಮೂಡಿದೆ ಎಲೆ ಎಲೆ ಮೇಲೆ !
ರವಿಯ ತಿಳಿ ಬಿಸಿಲಿಗೆ ಕರಗಿದ ಇಬ್ಬನಿ,
ಜಾರಲು ಕಾದಿದೆ ಎಲೆಯ ತುದಿಯಲಿ
ಜೋತು ಬಿದ್ದ ಇಬ್ಬನಿಯ ಹನಿಗೆ,
ರವಿಕಿರಣದ ಪ್ರೀತಿಯ ಅಪ್ಪುಗೆ !

***ಭಾವಪ್ರಿಯ***

ಲಗಾಮು ಇರದ ಕುದುರೆ

ಕುದುರೆ ಓಡುತಿಹುದು ಕುದುರೆ

ಆಧುನಿಕತೆಯ ಬೆನ್ನೇರಿ ,

ಸಂಸ್ಕ್ರುತಿಯ ಮರೆತು,

ದಿಕ್ಕು ದಿಸೆ ಇಲ್ಲದೆ ಓಡುತಿದೆ, ಕುದುರೆ ಓಡುತಿದೆ.



ಅಹಂ ಗುಣವ ಮೇಲೆತ್ತಿ

ಶಿಷ್ಟರನ್ನ ನೆಲಕ್ಕೆ ಒತ್ತಿ

ಹೊಲಸು ತಿಪ್ಪೆಯಲಿ

ಸುಖ ಕಾಣುತಲಿ ಓಡುತಿದೆ , ಕುದುರೆ ಓಡುತಿದೆ.



ಹಿರಿತನದ ಗೌರವ ಇಲ್ಲ ಅದಕೆ

ಸೊಕ್ಕು ತುಂಬಿ ಮೈಯ ಓಳಗೆ

ಮಧ್ಯ ಕುಡಿಸಿದ ಮಂಗನ ಹಾಗೆ

ಎಲ್ಲವನ್ನು ಬಿಟ್ಟುಕೊಟ್ಟು ಓಡುತಿದೆ, ಕುದುರೆ ಓಡುತಿದೆ.



ಲಂಗು ಇಲ್ಲದ ಕುದುರೆ

ಲಗಾಮು ಇರದ ಕುದುರೆ

ತನ್ನ ಅವನತಿಯೆಡೆಗೆ

ಅವಸರದಿ ಓಡುತಿದೆ, ಕುದುರೆ ಓಡುತಿದೆ.



***ಭಾವಪ್ರಿಯ***

ನನ್ನದು ನೂರು-ನೂರು ಜನುಮದ ಕೋಪ


ಆ ಕ್ಷಣದಿ ಬಂದವಳ ಮೇಲೆ ಹರಿ ಹಾಯಿತು ವಿಕೋಪ

ಆದರು ಹತ್ತಿರ ಬಂದು ಮಾತನಾಡುತ್ತಾಳೆ ಪಾಪ

ಇವಳೆನಪ್ಪಾ.. ಬಿಟ್ಟರೂ ಬಿಡಲಾರದೆ ತೊರುತ್ತಾಳೆ ಅನುಕಂಪ.

ಅಭಿಲಾಶೆ

ನಯವಾದ ನುಣುಪು ಹುಬ್ಬು ಸೌಮ್ಯತನವ ಮೆರೆದಂತೆ

ಕಾಡಿಗೆ ಲೇಪಿಸಿದ ಕಣ್ಣು ., ಧ್ರುವ ನಕ್ಷತ್ರದಂತೆ

ಹಣೆಯ ಬೊಟ್ಟು.., ಹುಣ್ಣಿಮೆ ಚಂದ್ರನಂತೆ

ಕನ್ನಡವ ನುಡಿವ ತುಟಿಗಳು, ನಾಡಿಗೆ ಶ್ರೆಯಸ್ಸಂತೆ

ವಿಶಾಲ ಹಣೆ.., ಉದಾರತನ ಸಾಕ್ಷಿಯಂತೆ

ಸೀರೆಯನುಟ್ಟು ನೀ ನಡೆದರೆ ಹಸಿರು ಬನಸಿರಿಯೇ ನೀನಂತೆ

ಹೀಗೆಯೇ ನೀ ಕಾಣಬೇಕೆನ್ನುವ ನನ್ನ ಅಭಿಲಾಶೆ

ನಲಿಯುತಾ ಬರುವೆಯಾ ನನ್ನ ಉಷೆ..?



***ಭಾವಪ್ರಿಯ ***

ಮನುಜರು ತುಂಬಿದ ಜಗದಲ್ಲಿ ನಾನೋಬ್ಬ ಒಂಟಿಗ


ಸದ್ದು ಗದ್ದಲದಲ್ಲೂ ಮೂಕನಾಗಿ ನಡೆದಿಹ ಪಯಣಿಗ

ಜೀವನದ ಹಾದಿಯಲ್ಲಿ ಮಂಜು ಕವಿದಿರಲು

ದಾರಿ ಕಾಣದ ಮುಸುಕೇ ಮೊಳಗಿರಲು

ಆ ವೆಂಕಟನನ್ನು ನೆನೆದರೂ ದೂರವಾಗದು ಸಂಕಟ

ಮೂರು ಮಾಸ ಕಳೆದು ಮಗದೊಂದು ಮಾಸ ಬಂದಿಹುದು

ಅಂದಿಗೂ ಅಲ್ಲೆ ಇತ್ತು...ಇಂದಿಗೂ ಅಲ್ಲೆ ಇಹುದು

ಜೀವನ ಸಹಜ ಅನ್ನುವ ಕ್ಷಣವೇ ಬಾರದೇ

ಸಾಗಲಿ ಹೇಗೆ.... ಆಶಯದೆಡೆಗೆ ?

ಶೂನ್ಯ

ಶೂನ್ಯ




ನೀ ಹತ್ತಿರವಿದ್ದರೂ ದೂರ



ಮನದಲ್ಲಿ ನೆಲೆಸಿರುವೆ.., ಹೆಚ್ಚಿದೆ ಮನಸ್ಸಿನ ಭಾರ



ಅನುಕ್ಷಣವೂ ಬಂದು ನೀ ನೆನಪಿಗೆ...,ತುಳುಕುತಿದವೆ ಭಾವನೆಗಳ ಸಾಗರ



ಹೃದಯ ಚಿಮ್ಮುವ ನೆತ್ತರು ..ದಿನೇ ದಿನೇ ಹೆಚ್ಚಿಸಿದೆ ಉಸಿರು



ಮನಸ್ಸು - ಹೃದಯಗಳು ಭಾವವ ಬೆಸೆಯುತಿಹರು



ನೀ ದೂರಾದರೆ ಇನ್ನ ....ನನ್ನ ಲೋಕವೇ ಶೂನ್ಯ .



ಭಾವಪ್ರಿಯ

ನಲ್ಲ ನಿನ್ನ ಬಾಹುಗಳಲಿ ಒರೆಗಿಸಿಕೋ ಎನ್ನ ಅಂದಳು  ನಲ್ಲೆ  


ಪ್ರೀತಿಯಿಂದ ಎದೆಗೊತ್ತಿದೆ ಅವಳ ಮೊಗವ, ಚುಚ್ಚಿತು ಅವಳ ಕಿವಿ ಓಲೆ

ತಿಳಿಯದೇ  ಆದ ತಪ್ಪು ಎಂದು ಊಹಿಸಿ , ಕ್ಷಮಿಸಿ ಮುನ್ನಡೆದೆ

ಅಂದು ಚುಚ್ಚಿದವಳು ...ಇಂದು ಇರಿದಿರಿದು ಮಾಡಿಹಳು  ನನ್ನ ಕೊಲೆ .

ಪ್ರೀತಿ

ಇಣುಕಿ ನೋಡು ಹೃದಯದ ಕಿಟಕಿ

ಬೆಚ್ಚಗೆ ಮಲಗಿಹುದು ಪುಟ್ಟ ಪ್ರೀತಿಯ ಹಕ್ಕಿ

ಕಣ್ಣುಗಳ ತೆರೆದು ಪಿಳಿ ಪಿಳಿ

ಅವಿತಿರುವುದು ಗೂಡ ಮರೆಯಲಿ

ಜಗದ ಪರಿವಿಲ್ಲದ ಅದಕೆ

ನವ ಕನಸುಗಳದೇ ಭರಾಟೆ

ರೆಕ್ಕೆಗಳ ಬಿಚ್ಚಿ ಪಟ ಪಟನೆ

ಹಾರಿ ಸೇರಬೇಕೆನ್ನುವ ಒಲವಿನ ಅರಮನೆ . 

ತಕ ಧಿಮಿ ತಕಿಟ

ತಕ ಧಿಮಿ ತಕಿಟ.. ತಕ ಧಿಮಿ ತಕಿಟ


ಮೊಗದ ಸಿರಿ ಹೃದಯ ಕಲುಕುವ ಆಟ

ತಳುಕು ಬಳುಕು ಇವರ ಮೈ ಮಾಟ

ಘಲ್ ಘಲ್ ಗೆಜ್ಜೆ ಏರಿಸಿದ ಹ್ರುದಯದ ಬಡಿತ

ಜೀವ ಉಲ್ಲಾಸಗೋ೦ಡು ಮನವಾಯ್ತು ಮರ್ಕಟ

ಭೊಲೋಕದಲ್ಲಿ ಇವರ ಅಟ್ಟಹಾಸದ ಆರ್ಬಟ

ಮೆಟ್ಟಿ ನಿಲ್ಲುವೆ ಯಮಲೋಕದಲ್ಲಿ ಇವರ ಹಠ


ಅಳಿಸುವೆ ನಾ ಸಜ್ಜನರ ಸಂಕಟ .

ಪ್ರೀತಿ ಉಕ್ಕುತಿದೆ ..

ನಿನ್ನ ಜೊತೆ ನಡೆದ ಹಾದಿ
ಕಲ್ಲು ಮುಳ್ಳುಗಳು ಇದ್ದರೂ ಹೂವು ಹಾಸಿದಂತಾಗಿ
ಜೊತೆ ಜೊತೆಯಲ್ಲಿ ಸವೆದ ಕ್ಷಣಗಳು ಒಂದಾಗಿ
ಮುದ ನೀಡುತಿವೆ ಮನಸಿಗೆ ತಂಗಾಳಿಯಾಗಿ.. , ಪ್ರೀತಿ ಉಕ್ಕುತಿದೆ..!

ನಿನ್ನ ಅಂದ ಚಂದಕೆ ಬೆರಗು ನಾನಲ್ಲ
ಯಾವ ಐಶ್ವರ್ಯದ ಹಂಗು ನನಗಿಲ್ಲ
ನಿನ್ನ ಗುಣಕೆ ತಲೆ ಬಾಗಿಹೆ ನಲ್ಲ
ನಿನ್ನ ಸುಖಾಗಮನವೇ ನನದೆಲ್ಲ , ಬಯಸಿ ಬಯಸಿ ಪ್ರೀತಿ ಉಕ್ಕುತಿದೆ..!

ನಿನ್ನ ಹಣೆಗೆ ಒಂದು ಅಕ್ಕರೆಯ ಮುತ್ತಿಡಲೇ
ನಿನ್ನ ಕಣ್ಣ ಹನಿಗಳ ಇಂಗಿಸಿ ಕುಡಿಯಲೇ
ನನ್ನ ಹೃದಯದ ಗೂಡಿನಲ್ಲಿ ನಿನ್ನ ಬಚ್ಚಿಡುಲೇ
ಅನುದಿನವು ಮುದ್ದಿಸಿ ಸ್ನೇಹ ಬೆಸೆಯುಲೇ..,ನನ್ನ ಒಡಲೊಳು ಪ್ರೀತಿ ಉಕ್ಕುತಿದೆ..!

ನಿನ್ನ ಮಾತುಗಳು ಅನಾವಶ್ಯಕ ಅಂದ ನಲ್ಲೆಗೆ....

ನಿನ್ನ ಮಾತುಗಳು ಅನಾವಶ್ಯಕ ಅಂದ ನಲ್ಲೆಗೆ.... 

ನಾನು ಕೊಟ್ಟ ಉತ್ತರ " ಧೀರ್ಘ ಅನಿರ್ದಿಷ್ಟಿತ ಮೌನ "

ಇನ್ನು ಮೇಲೆ ತೆರೆಯುವುದೇ ಇಲ್ಲಾ ನನ್ನ ಬಾಯಿನ 

ನೀನಿಟ್ಟ ಹರಿತಾದ ಬಾಣ ನಾಟಿದೆ ನನ್ನ ಹೃದಯವನ್ನ  

ಮೂಕ ಮಾಡಿಸಿದೆ ಎನ್ನ , ಇನ್ನು ಬರಿ ಸ್ಮಶಾಣ ಮೌನ 

ನಾಮಕರಣ

ನಾ ಚಿನುಕುರುಳಿ ಕಂದ


ಹುಟ್ಟುತ್ತಲೇ ಹಂಚಿದೆ ಆನಂದ

ಅಮ್ಮನ ಮಡಿಲೆ ನನಗೆ ಬೃಂದಾವನ

ಅಪ್ಪನ ಹೆಗಲೇ ನನ್ನ ವಾಹನ

ಅಜ್ಜಿ, ತಾತ, ಬಂಧು ಮಿತ್ರರೆಲ್ಲ ಒಟ್ಟಾಗಿ ಯೋಚಿಸಿ ಇನ್ನ  

ಪುಟ್ಟ ಪುಟ್ಟ ಹೆಜ್ಜೆ ಇಡುವ ಮುನ್ನ

ಏನೆಂದು ಕೂಗಿವಿರಿ ಹೇಳಿ ನನ್ನ ?

.

ನನ್ನ ಮೊದಲ ಪ್ರೀತಿ

ಕಣ್ಣು ಹೊಳೆವ ಚಿಗುರೆಯ ಅಣು

ಅಗಲದ ಹಣೆಯೇ ಅವಳಿಗೆ ಭೂಷಣ

ಕುಕ್ಕುತಿವೆ ಹುಬ್ಬುಗಳ ನುಣುಪಾದ ಬಾಣ

ಮೆತ್ತಗೆ ಹಾಸಿಗೆಯಂತ ಅವಳ ಕಾಲ್ಗುಣ

ಜೊತೆ ಜೊತೆಯಲಿ ಅವಳ ನಡುಗೆ ಸುಖದ ಪ್ರಯಾಣ

ಜೀವನದ ಏರಿಳಿತದಲೂ ತೋರುವಳು ಅವಳು ಸೌಮ್ಯ ಗುಣ

ದಿನ, ಮಾಸಗಳು, ಕಳೆಯುತಲಿ ಇವಳೊಡನೆ , ಇವಳಾದಳು ನನ್ನ ಪಂಚಪ್ರಾಣ

ನನ್ನ ಮೊದಲ ಪ್ರೀತಿಯೇ ಇವಳು ...ನನ್ನೊಲುಮೆಯ ಕಾರು .



***ಭಾವಪ್ರಿಯ***

ಮದುವೆ ಎಂದರೆ ಕೆಲವರಿಗೆ ...

ವಯಸ್ಸಿಗೆ ಬಂದ ಹುಡುಗ-ಹುಡುಗಿಯರಿಗೆ ಅದು ಮೋಜು

ಹುಡುಗಿಯರ ದೃಷ್ಟಿಯಲಿ ಗಂಡ ಒಂದು ಏಟಿಎಂ ಕಾರ್ಡು

ಚಿನ್ನ ವಜ್ರ ವೈಡುರ್ಯಗಳ ಕೊಡಿಸಲು ಒಂದು ಕ್ರೆಡಿಟ್ ಕಾರ್ಡು

ತನ್ನ ಜೀವ ಕಾಪಾಡಲು ಬೇಕಾಗುವ ಒಂದು ಬಾಡಿ ಗಾರ್ಡು.



ತಂದೆಯ ಮನೆಯಲ್ಲಿ ಸಿಗದ ಸುಪ್ಪತ್ತಿಗೆ ಬಯಸುವ ತಾಣ

ಗಂಡನನ್ನು ಮುಷ್ಟಿಯಲ್ಲಿ ಇಡಲು ಹೂಡುವಳು ತನ್ನ ಮೋಹದ ಬಾಣ

ಬಾರದೆ ಹೋದಲ್ಲಿ., ತೋರುವವಳು ತನ್ನ ನಿಜವಾದ ಬಣ್ಣ

ಎಲ್ಲದರಲ್ಲೂ ಸೋತರೆ, ಶುರುವಾಗುವುದು ಹೊಸ ರಾಮಾಯಣ..!



ಸಣ್ಣ ಪುಟ್ಟ ಜಗಳಗಳಿಗೆ ತ್ವರೆದು ಗಂಡನನ್ನ

ಮರೆತೇ ಬಿಡುವರು ಮದುವೆಯ ಸಮಯದಲ್ಲಿ ಮಾಡಿದ ಪ್ರತಿಜ್ಞ

ಆಫೀಸಿನ ಕೆಲಸ ಮಾಡುವವರಿಗೆ..,ಮಾತನಾಡಿಸುವುದು ಹಣ

ಸಂಸಾರ ತೊರೆದು ನಡೆಸುವರು ಶ್ವೆಛ್ಚಾಚಾರದ (ಹಾದರದ) ಜೀವನ ..!

-------------------------------------------------------------------------



ಹುಡುಗನ ದೃಷ್ಟಿಯಲಿ ಹೆಂಡತಿ ಒಂದು ಮನೆಯ ಆಳು

ಗಂಡನ ಬೇಡಿಕೆಗಳ ಈಡೇರಿಸಲು ಸತತವಾಗಿ ದುಡಿಯುವ ಹುಳು

ಮನೆಯ ಶುಚಿಗೊಳಿಸುತ್ತ, ಗಂಡ-ಮಕ್ಕಳಿಗೆ ಅಡುಗೆ ಮಾಡಿ ಬಡಿಸುವವಳು

ಕಾಣದು ಅವನಿಗೆ ಹೆಂಡತಿಯ ನೋವಿನ ಗೀಳು..!



ಇನ್ನು ಕೆಲವರಿಗೆ.., ಹೆಂಡತಿ ತರಬೇಕು ಆಸ್ತಿ ಪಾಸ್ತಿ ಜೋರು

ನಿವೇಶನ , ಕಾರುಗಳ ಬೇಡಿಕೆಗಳು ಸಾಲು ಸಾಲು

ಸಿಗದೇ ಹೋದಲ್ಲಿ ., ಹೆಂಡತಿಗೆ ಶುರು ಕಿರಿ-ಕಿರಿ ನೂರು

ಪಾಪ., ಅವಳಿಗೆ ಜೀವನವೇ ಜಿಗುಪ್ಸೆಯ ತೇರು !



ಹೆತ್ತವರ ಅಗಲಿ ಬಂದ ಹುಡುಗಿಗೆ ತೋಚದು ಇನ್ನೇನು

ನಂಬಿ ಬಂದ ಗಂಡನೇ ತೋರುವುದಿಲ್ಲ ಪ್ರೀತಿ ಚೂರು

ತನ್ನ ಬಯಕೆ ಬವಣೆಗಳ ಕೇಳುವವರಿಲ್ಲದೇ ಹರಿಸುತಿರುವಳು ಕಣ್ಣೀರು

ಮಾಗಿ ಹೋದ ಜೀವನ ನಡಿಸಲಾರದೆ ತಾನೆಯೇ ಕೊನೆಯಾದಾಳು..!


*** ಭಾವಪ್ರಿಯ***

ಗೆಳತಿ

ಕಾಡ ಬೇಡ ಗೆಳತಿ 

ಬೇರ್ಯಾರಿಲ್ಲ  ನನ್ನ ಗೆಳತಿ

ಇದ್ದರೂ..., ಆಗಲಾರಳು  ನಿನ್ನ  ಸವತಿ  

ನನ್ನ ಮನಸಿನ್ಯಾಗ  ಯಾಕ  ತಣ್ಣೀರು  ಸುರಿತಿ   

ನೀನ... ನನ್ನ ಹೃದಯದ ಒಡತಿ 

ಮೌನವಾಗಿ ಓಡುತಿ ಯಾಕ ಚಿತ್ತ ಕದಡಿ 

ಬೆಂದು ಹೋಗತೇನಿ ನಾ ಒದ್ದಾಡಿ-ಒದ್ದಾಡಿ   

ನನ್ನ ಕ್ಷಣಗಳು ಕಳೆದಾವ ನಡು-ನಡುಗಿ 

ಆಗಬಾರದೇ ನೀ ನನ್ನ ಅಮೃತ ಗಡಗಿ .

***ಭಾವಪ್ರಿಯ***    

  

ಮೇಘ ಮಾಯೆ

ಮತ್ತೆ ಕವಿದಿದೆ ಕಪ್ಪು ಛಾಯೆ 

ಮತ್ತೆ ಹರಿಸ್ಯಾಳ ಹನಿ, ಮೇಘ ತಾಯೆ 

ಗೆಳತಿ ಇಳೆಯ ಸಿಟ್ಟು ಅಳಿಸಲಿಕ್ಕೆ 

"ಧೋ..." ಎಂದು ಸುರಿದಾಳೆ ಮೇಘ ಮಾಯೆ 

ಹರಿ-ಹರಿದು ಬರಲಿ ಅವಳ ಧಾರೆ 

ತುಂಬಲಿ ಹಳ್ಳ , ನದಿ , ಕಣಿವೆ, ಕೆರೆ 

ಹಸಿರು ಬಡಿಸಲಿ ಬಾಳೆಯಲೆಯಲೇ

ಹಸಿರನುಟ್ಟು ಬಸಿರಾಗು ನೀ ಧರೆ

ಮುಗಿಲು ನೋಡುತಿದ್ದ ರೈತರೇ 

ಹಾರಿ ಕುಣಿದಾಡಿ ಇಗಲೇ  

ಬೆಳೆಯ ಬೆಳೆಯಲು ಕರುಣಿಸಿಹಳು  ತಾಯೆ 

ಇನ್ನು ಸಂಕಷ್ಟಗಳು ಮಂಗ ಮಾಯೆ  

***ಭಾವಪ್ರಿಯ***

खामोश होगई है प्यार

बांध करके ह्रदय का द्वार 

इसको ना है किसीका इंतज़ार 

ना है इसको किसीसे ऐतबार 

खामोश होगई है प्यार  !

जो प्यार की भाषा ना समाज पाया वोह शायर  

कैसे हो उसको  किसीकी प्यार की खबर 

खोगाया है अँधेरे में होके बेखबर 

खामोश होगई है प्यार !

धड़कते अरमानो को छुपाकर

खुशिया सब भुलाकर 

जीवन की हर उम्मीद छोड़कर 

खामोश होगई है प्यार  !

 

ಮತ್ತೆ ಶುರುವಾಗಿದೆ ಓಟ

ಮತ್ತೆ ಶುರು ಮಾಡಿದೆ ಓಟ 

ಚಿಕ್ಕವರಿದ್ದಾಗ ಓಡಾಟವೇ ಆಟ 

ಬೆಳೆದು ಬೆಳೆಯುತ್ತಲೇ ವಿದ್ಯೆ ದೇವಿಯಡೆಗೆ ಓಟ 

ಮತ್ತೆ ಶುರುವಾಗಿದೆ ಓಟ 

ಪದವಿಧರನಾದ ಮೇಲೆ ಮುಗಿಯಲಿಲ್ಲ ಓಟ 

ಕೆಲಸ ಹುಡುಕುತ್ತಲೇ ಶುರುವಾಯಿತು.., ಮತ್ತೊಂದು  ಜಂಜಾಟ 

ಮಹಾನಗರಿಯಲ್ಲಿ  ಅಲೆದು, ಅಲೆದು, ಕಡೆಗೂ ಸಿಕ್ಕಿತೊಂದು ಆಸರೆಯ ಕೂಟ 

ಮತ್ತೆ ಶುರುವಾಗಿದೆ ಹೊಸದೊಂದು ಓಟ

ಬೆನ್ನಮೇಲೊಂದು ರೊಟ್ಟಿಯ ಬುತ್ತಿ 

ಹೊರೆಟೆವು ನಾನು  ಹಣದ ಬೆನ್ನಹತ್ತಿ.

ನೆಮ್ಮದಿ ಇರದ ಖುಷಿಯ ಮೆಟ್ಟಿ   

ತಪ್ಪದೆನಗೆ ಕಚೇರಿಯ ಕಾಟ 

ಮತ್ತೆ ಶುರುವಾಯಿತು ಓಟ    

ಹುಟ್ಟಿದಾಗಿನಿಂದಲೂ ಹೀಗೆಯೇ ಇದೆ ಓಟ 

ಒಮ್ಮೆ ನನಗಾಗಿ,  ಇನ್ನೊಮ್ಮೆ ನನ್ನ ಹಡೆದವರಿಗಾಗಿ  ಓಟ

ನನ್ನ ಆರೋಗ್ಯವ ಕಾಪಾಡಿಕೊಳ್ಳಲು,

ವರುಷಗಳ ನಂತರ ಮತ್ತೆ ಶುರುವಾಗಿದೆ ಓಟ.

***ಭಾವಪ್ರಿಯ***