ಹಿಂದುಗಳು ನಾವು...!!

ಗುಡಿಗಳ ಕಟ್ಟಿ

ಭಕ್ತಿ ತೋರುವೆವು

ಮಂತ್ರ ಪಠನೆ ಮಾಡಿ

ಹಾಲೆರೆದು ಪೂಜಿಪೆವು

ಹೂವು ಹಣ್ಣು ಕಾಯಿ

ಅರಿಶಿಣ,ಕುಂಕುಮ,ವಿಭೂತಿ

ಕರ್ಪುರ,ಧೂಪ,ಊದಬತ್ತಿ

ಧಗ ಧಗನೆ ಹೊಗೆ ಹತ್ತಿ

ಸ್ವರ್ಗ ಲೋಕ ಕಂಡಂತೆ..!

ನಾವು ಉತ್ತಮರು...ನಾವು ಸರ್ವೋತ್ತಮರು...ಹಿಂದುಗಳು ನಾವು...!!

ಪೂಜಿಸಿದ ದೇವರು

ಅರಳಿ ಕಟ್ಟೆಯೇ ಸೂರು

ಮನೆಯಲ್ಲಿ ರಾರಾಜಿಸಿದ ದೇವರು

ಬೀದಿ ಕಸದಲ್ಲಿ, ರಸ್ತೆ ಪಾಲು

ಯಾರಿಗೆ ಹರಸಿದರೇನು...

ಯಾರದೋ ಕಷ್ಟಕ್ಕಾದರೇನು...

ದೀಪ ಬೆಳಗಿದವನು ಕೂಡಾ...

ಇಂದು ಕತ್ತಲಲ್ಲಿ ಚೆಲ್ಲಿಹನು...

ಯಾರವರು...ಯಾರವರು....?? 

ನಾವು ಉತ್ತಮರು...ನಾವು ಸರ್ವೋತ್ತಮರು...ಹಿಂದುಗಳು ನಾವು...!!