ಮತ್ತೆ ಮರಳಿ ಬಾ ನನ್ನ ಬಾಲ್ಯವೆ..
ನಸುಕಿನಲ್ಲಿ ಅಮ್ಮನ ಕೂಗು...
ಸುನಿ... ಎದ್ದು ಮುಖತೊಳೆದು ಬಾರೋ !
ಚಹಾ ಕುಡಿಯುವಂತಿ...! ಹಾಸಿಗೆ ಇಂದ ಮೇಲೆದ್ದು
ಕಣ್ಣು ಉಜ್ಜುತಿದ್ದದ್ದು, ಮೈಯ್ಯ ಮುರಿತಿದ್ದದ್ದು .....
ಮತ್ತೆ ಮರಳಿ ಬರಲಿ ಆ ನನ್ನ ಬಾಲ್ಯ ..!
ಮಲೆನಾಡಿನ ಸುರಿಯೋ ಮಳೆಯಲ್ಲಿ
ರೈನ್ಕೋಟ್ ತೊಟ್ಟು , ಉದ್ದನೆಯ ಬೂಟುಗಳ ಹಾಕಿಕೊಂಡು
ಶಾಲೆಯತ್ತಕಡೆಯ ನಡುಗೆ...
ಹಾದಿಯಲ್ಲಿ ಪುಟಿಯುತಿದ್ದ ಮಳೆ ಹನಿಗಳು ಕರೆಯುವಂತೆ ನನ್ನ
ಮತ್ತೆ ಮರಳಿ ಬರಲಿ ಆ ನನ್ನ ಬಾಲ್ಯ...!
ಶಾಲೆಯ ಹಿಂಬದಿಯ ಕಾಡಿನಲ್ಲಿ..,
ನೆಲ್ಲಿಕಾಯಿಗಾಗಿ ಅಲೆದಾಟ.,
ನೆಲ್ಲಿಯ ಹೆಮ್ಮರವ ಹತ್ತಿದ ಹರ ಸಾಹಸ...
ಪಾಟಿಚೀಲದ ತುಂಬಿ ತಂದ ನೆಲ್ಲಿಕಾಯಿ, ತುಳಿಸಿ ಲಗ್ನವ ಆಚರಿಸಿದ ಸಂಭ್ರಮ ...
ಮತ್ತೆ ಮರಳಿ ಬರಲಿ ಆ ನನ್ನ ಬಾಲ್ಯ...!
ಬೇಸಿಗೆ ರಜೆಯ ಮೆರಗಿನ ಸ್ಪರ್ಶ
ಬಾಲ್ಯದ ಗೆಳತಿಯ ಜೊತೆ ಆಡಿದ ಹರುಷ
ಕೂಡಿ ನಲಿಯುತ ಕಳೆದ ಆ ಕ್ಷಣ..
ಅಲೆ ಅಲೆಯಾಗಿ ಮನಕೆ ಬಡಿಯುತಿದೆ ..,
ಮತ್ತೆ ಮರಳಿ ಬರಲಿ ಆ ನನ್ನ ಬಾಲ್ಯ...!
-
ಏಕೋ ಏರಿ ಕೂತಿವೆ ನೋಡಿ ಧ್ವನಿ ವರ್ದಕ ಕಿವಿ ಗುಂಡಿಗಳು ಸಂಗೀತದ ಸವಿಯುವ ಕಿವಿಯ ಅಲಂಕರಿಸಿದೆ ಗವಿಯ ಮುಚ್ಚಿ ಹಾಡಿನ ಸಾಲು ಆಲಿಸಿದರೇನು ಮನದ ಕಲಹ ಅಳಿಯುವುದೇನು ? ಗಲಾಟೆಯ ...
-
ಅಪ್ಪು - ಮರೆಯದ ಚೇತನ --------------------- ಒಂದು ಮರೆಯಾಗಲಾರದ ಚೇತನ.. ಚಂದನ ವನದ ಸೌಗಂಧದ ಕುಸುಮ ಹೃದಯಗಳ ಆಳಿದ ಧೀಮಂತ ವಿನಯತೆ ಭಾವ ಸದಾ ಜೀವಂತ ಮನುಷತ್ವವೂ ನಾಚ... -
ಕತ್ತಲು ಕವಿದಾಗ ತಿಳಿ-ಬಿಳಿ ನೆರಳಲ್ಲಿ ಚಂದ್ರಮುಖಿ ದೀಪದ ಬೆಳಕಿನಲ್ಲಿ ನಗೆ ಚೆಲ್ಲೊ ಮಂದಸ್ಮ್ರತಿ ನಯನಗಳು ಮನೋಹರ ಘಾಡ ನೆರಳೊತ್ತ ಗವಿ ಪ್ರೀತಿ ಮೋಹದ ಸಾಗರ ಪಂಚಮ ಪ್ರೀತಮ...
No comments:
Post a Comment