ಕನ್ನಡದ ಕೂಗು

ನನ್ನ ಭಾಷೆಯೇ ನಮ್ಮ ನೆಲದಲ್ಲಿ

ಉಳಿವಿಗಾಗಿ ಬಡಿದಾಡುತಿರಲು

ಹುಟ್ಟು ಕನ್ನಡಿಗರೇ ಹೊರೆತು

ಕನ್ನಡಕ್ಕಾಗಿ ದುಡಿದವರಲ್ಲ

ಕನ್ನಡವ ಆದರಿಸುವುದಿಲ್ಲ

ಅಭಿಮಾನವೇ ಇವರಿಗಿಲ್ಲ!

ಹಿಂತವರ ಹೆತ್ತ ನನ್ನ ತಾಯಿನೆಲ

ಏನು ಪಾಪವ ಮಾಡಿದೆ ನಾ ಅರಿಯೆ

ಮಕ್ಕಳೇ ಇವರು..? ಹಿತಶತ್ರುಗಳು..!

ತಾಯ ಋಣವ ತೀರಿಸುವ ಬದಲು

ಅನ್ಯ ಭಾಷೆಯ ಗುಲಾಮರು ?!

ತೊಲಗಲಿ ದುರಹಂಕಾರಿಗಳು

ಮೊಳಗಿಸುವೆ ಕನ್ನಡ ಕಹಳೆಯು

ಕನ್ನಡಕ್ಕಾಗಿಯೇ ಸುರಿಸುವೆ ನನ್ನ ಬೆವರು

ಸಮಯ ಬಂದರೆ ಹರಿಸಬಲ್ಲೇ ನೆತ್ತರನು.

ಕನ್ನಡದ ಊಳಿವಿಗೆ ಅರ್ಪಿಸುವೆ ನನ್ನೇ ನಾನು !!