ನಾಗರಪಂಚಮಿ

ಬಾರೋ ಬಾರೋ ನಾಗಪ್ಪ
ಪಂಚಮಿಯಂದು ನೆನೆದೆವು ನಿನಗಪ್ಪ
ಹಾಲನು ಎರೆವೆನು ಬಾರಪ್ಪ

ರೈತನ ಗೆಳೆಯನು ನೀನಪ್ಪ
ಇಲಿಗಳ ಸಂಹರಿಸು ಬಾರಪ್ಪ
ಬೆಳೆಯನು ರಕ್ಷಿಸು ನಮ್ಮಪ್ಪ

ಹೆಂಗಳೆಯರು ಪೂಜಿಸಲು ಕಾದಿಹರಪ್ಪ
ಅರಳಿ ಕಡಬನು ನೈವೇದ್ಯ ತಂದಿಹರಪ್ಪ
ಮುತ್ತೈದೆಯರಿಗೆ ಆಶಿರ್ವದಿಸಲು ಬಾರಪ್ಪ

ತಂಗಿ ಅಣ್ಣನ ಹಾದಿ ಕಾದಿಹಳಪ್ಪ
ಪಂಚಮಿಗೆ ಕರೆಯಲು ಬರುತಿಹನಪ್ಪ
ಹರಸಿ ಅಣ್ಣ ತಂಗಿಯ ಸಂಬಂಧವ ಕಾಪಾಡಪ್ಪ

ಹುತ್ತಕೆ ಪೂಜೆಯ ಸಲ್ಲಿಸುವೆನಪ್ಪ
ಮಣ್ಣಿನಲ್ಲಿ ಅವತರಿಸು ಬಾರಪ್ಪ
ಮನುಕುಲವ ಕಾಪಾಡೋ ನನ್ನಪ್ಪ

---ಭಾವಪ್ರಿಯ---