ಪ್ರೀತಿ ಉಕ್ಕುತಿದೆ ..

ನಿನ್ನ ಜೊತೆ ನಡೆದ ಹಾದಿ
ಕಲ್ಲು ಮುಳ್ಳುಗಳು ಇದ್ದರೂ ಹೂವು ಹಾಸಿದಂತಾಗಿ
ಜೊತೆ ಜೊತೆಯಲ್ಲಿ ಸವೆದ ಕ್ಷಣಗಳು ಒಂದಾಗಿ
ಮುದ ನೀಡುತಿವೆ ಮನಸಿಗೆ ತಂಗಾಳಿಯಾಗಿ.. , ಪ್ರೀತಿ ಉಕ್ಕುತಿದೆ..!

ನಿನ್ನ ಅಂದ ಚಂದಕೆ ಬೆರಗು ನಾನಲ್ಲ
ಯಾವ ಐಶ್ವರ್ಯದ ಹಂಗು ನನಗಿಲ್ಲ
ನಿನ್ನ ಗುಣಕೆ ತಲೆ ಬಾಗಿಹೆ ನಲ್ಲ
ನಿನ್ನ ಸುಖಾಗಮನವೇ ನನದೆಲ್ಲ , ಬಯಸಿ ಬಯಸಿ ಪ್ರೀತಿ ಉಕ್ಕುತಿದೆ..!

ನಿನ್ನ ಹಣೆಗೆ ಒಂದು ಅಕ್ಕರೆಯ ಮುತ್ತಿಡಲೇ
ನಿನ್ನ ಕಣ್ಣ ಹನಿಗಳ ಇಂಗಿಸಿ ಕುಡಿಯಲೇ
ನನ್ನ ಹೃದಯದ ಗೂಡಿನಲ್ಲಿ ನಿನ್ನ ಬಚ್ಚಿಡುಲೇ
ಅನುದಿನವು ಮುದ್ದಿಸಿ ಸ್ನೇಹ ಬೆಸೆಯುಲೇ..,ನನ್ನ ಒಡಲೊಳು ಪ್ರೀತಿ ಉಕ್ಕುತಿದೆ..!

ನಿನ್ನ ಮಾತುಗಳು ಅನಾವಶ್ಯಕ ಅಂದ ನಲ್ಲೆಗೆ....

ನಿನ್ನ ಮಾತುಗಳು ಅನಾವಶ್ಯಕ ಅಂದ ನಲ್ಲೆಗೆ.... 

ನಾನು ಕೊಟ್ಟ ಉತ್ತರ " ಧೀರ್ಘ ಅನಿರ್ದಿಷ್ಟಿತ ಮೌನ "

ಇನ್ನು ಮೇಲೆ ತೆರೆಯುವುದೇ ಇಲ್ಲಾ ನನ್ನ ಬಾಯಿನ 

ನೀನಿಟ್ಟ ಹರಿತಾದ ಬಾಣ ನಾಟಿದೆ ನನ್ನ ಹೃದಯವನ್ನ  

ಮೂಕ ಮಾಡಿಸಿದೆ ಎನ್ನ , ಇನ್ನು ಬರಿ ಸ್ಮಶಾಣ ಮೌನ 

ನಾಮಕರಣ

ನಾ ಚಿನುಕುರುಳಿ ಕಂದ


ಹುಟ್ಟುತ್ತಲೇ ಹಂಚಿದೆ ಆನಂದ

ಅಮ್ಮನ ಮಡಿಲೆ ನನಗೆ ಬೃಂದಾವನ

ಅಪ್ಪನ ಹೆಗಲೇ ನನ್ನ ವಾಹನ

ಅಜ್ಜಿ, ತಾತ, ಬಂಧು ಮಿತ್ರರೆಲ್ಲ ಒಟ್ಟಾಗಿ ಯೋಚಿಸಿ ಇನ್ನ  

ಪುಟ್ಟ ಪುಟ್ಟ ಹೆಜ್ಜೆ ಇಡುವ ಮುನ್ನ

ಏನೆಂದು ಕೂಗಿವಿರಿ ಹೇಳಿ ನನ್ನ ?

.

ನನ್ನ ಮೊದಲ ಪ್ರೀತಿ

ಕಣ್ಣು ಹೊಳೆವ ಚಿಗುರೆಯ ಅಣು

ಅಗಲದ ಹಣೆಯೇ ಅವಳಿಗೆ ಭೂಷಣ

ಕುಕ್ಕುತಿವೆ ಹುಬ್ಬುಗಳ ನುಣುಪಾದ ಬಾಣ

ಮೆತ್ತಗೆ ಹಾಸಿಗೆಯಂತ ಅವಳ ಕಾಲ್ಗುಣ

ಜೊತೆ ಜೊತೆಯಲಿ ಅವಳ ನಡುಗೆ ಸುಖದ ಪ್ರಯಾಣ

ಜೀವನದ ಏರಿಳಿತದಲೂ ತೋರುವಳು ಅವಳು ಸೌಮ್ಯ ಗುಣ

ದಿನ, ಮಾಸಗಳು, ಕಳೆಯುತಲಿ ಇವಳೊಡನೆ , ಇವಳಾದಳು ನನ್ನ ಪಂಚಪ್ರಾಣ

ನನ್ನ ಮೊದಲ ಪ್ರೀತಿಯೇ ಇವಳು ...ನನ್ನೊಲುಮೆಯ ಕಾರು .



***ಭಾವಪ್ರಿಯ***

ಮದುವೆ ಎಂದರೆ ಕೆಲವರಿಗೆ ...

ವಯಸ್ಸಿಗೆ ಬಂದ ಹುಡುಗ-ಹುಡುಗಿಯರಿಗೆ ಅದು ಮೋಜು

ಹುಡುಗಿಯರ ದೃಷ್ಟಿಯಲಿ ಗಂಡ ಒಂದು ಏಟಿಎಂ ಕಾರ್ಡು

ಚಿನ್ನ ವಜ್ರ ವೈಡುರ್ಯಗಳ ಕೊಡಿಸಲು ಒಂದು ಕ್ರೆಡಿಟ್ ಕಾರ್ಡು

ತನ್ನ ಜೀವ ಕಾಪಾಡಲು ಬೇಕಾಗುವ ಒಂದು ಬಾಡಿ ಗಾರ್ಡು.



ತಂದೆಯ ಮನೆಯಲ್ಲಿ ಸಿಗದ ಸುಪ್ಪತ್ತಿಗೆ ಬಯಸುವ ತಾಣ

ಗಂಡನನ್ನು ಮುಷ್ಟಿಯಲ್ಲಿ ಇಡಲು ಹೂಡುವಳು ತನ್ನ ಮೋಹದ ಬಾಣ

ಬಾರದೆ ಹೋದಲ್ಲಿ., ತೋರುವವಳು ತನ್ನ ನಿಜವಾದ ಬಣ್ಣ

ಎಲ್ಲದರಲ್ಲೂ ಸೋತರೆ, ಶುರುವಾಗುವುದು ಹೊಸ ರಾಮಾಯಣ..!



ಸಣ್ಣ ಪುಟ್ಟ ಜಗಳಗಳಿಗೆ ತ್ವರೆದು ಗಂಡನನ್ನ

ಮರೆತೇ ಬಿಡುವರು ಮದುವೆಯ ಸಮಯದಲ್ಲಿ ಮಾಡಿದ ಪ್ರತಿಜ್ಞ

ಆಫೀಸಿನ ಕೆಲಸ ಮಾಡುವವರಿಗೆ..,ಮಾತನಾಡಿಸುವುದು ಹಣ

ಸಂಸಾರ ತೊರೆದು ನಡೆಸುವರು ಶ್ವೆಛ್ಚಾಚಾರದ (ಹಾದರದ) ಜೀವನ ..!

-------------------------------------------------------------------------



ಹುಡುಗನ ದೃಷ್ಟಿಯಲಿ ಹೆಂಡತಿ ಒಂದು ಮನೆಯ ಆಳು

ಗಂಡನ ಬೇಡಿಕೆಗಳ ಈಡೇರಿಸಲು ಸತತವಾಗಿ ದುಡಿಯುವ ಹುಳು

ಮನೆಯ ಶುಚಿಗೊಳಿಸುತ್ತ, ಗಂಡ-ಮಕ್ಕಳಿಗೆ ಅಡುಗೆ ಮಾಡಿ ಬಡಿಸುವವಳು

ಕಾಣದು ಅವನಿಗೆ ಹೆಂಡತಿಯ ನೋವಿನ ಗೀಳು..!



ಇನ್ನು ಕೆಲವರಿಗೆ.., ಹೆಂಡತಿ ತರಬೇಕು ಆಸ್ತಿ ಪಾಸ್ತಿ ಜೋರು

ನಿವೇಶನ , ಕಾರುಗಳ ಬೇಡಿಕೆಗಳು ಸಾಲು ಸಾಲು

ಸಿಗದೇ ಹೋದಲ್ಲಿ ., ಹೆಂಡತಿಗೆ ಶುರು ಕಿರಿ-ಕಿರಿ ನೂರು

ಪಾಪ., ಅವಳಿಗೆ ಜೀವನವೇ ಜಿಗುಪ್ಸೆಯ ತೇರು !



ಹೆತ್ತವರ ಅಗಲಿ ಬಂದ ಹುಡುಗಿಗೆ ತೋಚದು ಇನ್ನೇನು

ನಂಬಿ ಬಂದ ಗಂಡನೇ ತೋರುವುದಿಲ್ಲ ಪ್ರೀತಿ ಚೂರು

ತನ್ನ ಬಯಕೆ ಬವಣೆಗಳ ಕೇಳುವವರಿಲ್ಲದೇ ಹರಿಸುತಿರುವಳು ಕಣ್ಣೀರು

ಮಾಗಿ ಹೋದ ಜೀವನ ನಡಿಸಲಾರದೆ ತಾನೆಯೇ ಕೊನೆಯಾದಾಳು..!


*** ಭಾವಪ್ರಿಯ***

ಗೆಳತಿ

ಕಾಡ ಬೇಡ ಗೆಳತಿ 

ಬೇರ್ಯಾರಿಲ್ಲ  ನನ್ನ ಗೆಳತಿ

ಇದ್ದರೂ..., ಆಗಲಾರಳು  ನಿನ್ನ  ಸವತಿ  

ನನ್ನ ಮನಸಿನ್ಯಾಗ  ಯಾಕ  ತಣ್ಣೀರು  ಸುರಿತಿ   

ನೀನ... ನನ್ನ ಹೃದಯದ ಒಡತಿ 

ಮೌನವಾಗಿ ಓಡುತಿ ಯಾಕ ಚಿತ್ತ ಕದಡಿ 

ಬೆಂದು ಹೋಗತೇನಿ ನಾ ಒದ್ದಾಡಿ-ಒದ್ದಾಡಿ   

ನನ್ನ ಕ್ಷಣಗಳು ಕಳೆದಾವ ನಡು-ನಡುಗಿ 

ಆಗಬಾರದೇ ನೀ ನನ್ನ ಅಮೃತ ಗಡಗಿ .

***ಭಾವಪ್ರಿಯ***    

  

ಮೇಘ ಮಾಯೆ

ಮತ್ತೆ ಕವಿದಿದೆ ಕಪ್ಪು ಛಾಯೆ 

ಮತ್ತೆ ಹರಿಸ್ಯಾಳ ಹನಿ, ಮೇಘ ತಾಯೆ 

ಗೆಳತಿ ಇಳೆಯ ಸಿಟ್ಟು ಅಳಿಸಲಿಕ್ಕೆ 

"ಧೋ..." ಎಂದು ಸುರಿದಾಳೆ ಮೇಘ ಮಾಯೆ 

ಹರಿ-ಹರಿದು ಬರಲಿ ಅವಳ ಧಾರೆ 

ತುಂಬಲಿ ಹಳ್ಳ , ನದಿ , ಕಣಿವೆ, ಕೆರೆ 

ಹಸಿರು ಬಡಿಸಲಿ ಬಾಳೆಯಲೆಯಲೇ

ಹಸಿರನುಟ್ಟು ಬಸಿರಾಗು ನೀ ಧರೆ

ಮುಗಿಲು ನೋಡುತಿದ್ದ ರೈತರೇ 

ಹಾರಿ ಕುಣಿದಾಡಿ ಇಗಲೇ  

ಬೆಳೆಯ ಬೆಳೆಯಲು ಕರುಣಿಸಿಹಳು  ತಾಯೆ 

ಇನ್ನು ಸಂಕಷ್ಟಗಳು ಮಂಗ ಮಾಯೆ  

***ಭಾವಪ್ರಿಯ***

खामोश होगई है प्यार

बांध करके ह्रदय का द्वार 

इसको ना है किसीका इंतज़ार 

ना है इसको किसीसे ऐतबार 

खामोश होगई है प्यार  !

जो प्यार की भाषा ना समाज पाया वोह शायर  

कैसे हो उसको  किसीकी प्यार की खबर 

खोगाया है अँधेरे में होके बेखबर 

खामोश होगई है प्यार !

धड़कते अरमानो को छुपाकर

खुशिया सब भुलाकर 

जीवन की हर उम्मीद छोड़कर 

खामोश होगई है प्यार  !

 

ಮತ್ತೆ ಶುರುವಾಗಿದೆ ಓಟ

ಮತ್ತೆ ಶುರು ಮಾಡಿದೆ ಓಟ 

ಚಿಕ್ಕವರಿದ್ದಾಗ ಓಡಾಟವೇ ಆಟ 

ಬೆಳೆದು ಬೆಳೆಯುತ್ತಲೇ ವಿದ್ಯೆ ದೇವಿಯಡೆಗೆ ಓಟ 

ಮತ್ತೆ ಶುರುವಾಗಿದೆ ಓಟ 

ಪದವಿಧರನಾದ ಮೇಲೆ ಮುಗಿಯಲಿಲ್ಲ ಓಟ 

ಕೆಲಸ ಹುಡುಕುತ್ತಲೇ ಶುರುವಾಯಿತು.., ಮತ್ತೊಂದು  ಜಂಜಾಟ 

ಮಹಾನಗರಿಯಲ್ಲಿ  ಅಲೆದು, ಅಲೆದು, ಕಡೆಗೂ ಸಿಕ್ಕಿತೊಂದು ಆಸರೆಯ ಕೂಟ 

ಮತ್ತೆ ಶುರುವಾಗಿದೆ ಹೊಸದೊಂದು ಓಟ

ಬೆನ್ನಮೇಲೊಂದು ರೊಟ್ಟಿಯ ಬುತ್ತಿ 

ಹೊರೆಟೆವು ನಾನು  ಹಣದ ಬೆನ್ನಹತ್ತಿ.

ನೆಮ್ಮದಿ ಇರದ ಖುಷಿಯ ಮೆಟ್ಟಿ   

ತಪ್ಪದೆನಗೆ ಕಚೇರಿಯ ಕಾಟ 

ಮತ್ತೆ ಶುರುವಾಯಿತು ಓಟ    

ಹುಟ್ಟಿದಾಗಿನಿಂದಲೂ ಹೀಗೆಯೇ ಇದೆ ಓಟ 

ಒಮ್ಮೆ ನನಗಾಗಿ,  ಇನ್ನೊಮ್ಮೆ ನನ್ನ ಹಡೆದವರಿಗಾಗಿ  ಓಟ

ನನ್ನ ಆರೋಗ್ಯವ ಕಾಪಾಡಿಕೊಳ್ಳಲು,

ವರುಷಗಳ ನಂತರ ಮತ್ತೆ ಶುರುವಾಗಿದೆ ಓಟ.

***ಭಾವಪ್ರಿಯ***

 

ಬಾನ ಚಂದಿರ

ಚಂದ್ರ ತುಂಬಿದ ಬಾನ ತುಂಬಾ,
ಹಾಲಂತೆ ಚೆಲ್ಲಿದ ಬೆಳದಿಂಗಳ ಬೆಳಕ,
ತಂಗಾಳಿ ತೇಲಿತು ಭೂಮಿ ತುಂಬಾ,
ಸಾರಿತು ರಾಗ ತೋಟದ ಬಳಗ,
ಹೂಗಳ ಚೆಲ್ಲಾಟ ಇರುಳು ತುಂಬಾ,
ಮರೆಯಾದ ಚಂದ್ರ ಮೋಡದ ಒಳಗ.

ಹೆದ್ದಾರಿ ಸುಂದರಿ

ಅಂಕು ಡೊಂಕಿನ ಮೈಮಾಟದ ಸುಂದರಿ,
ಉಬ್ಬು ತಗ್ಗುಗಳ ಒಯ್ಯಾರಿ,
ನಿನ್ನ ಮೇಲೆ ಹರಿದೊಡೆ ಎಬ್ಬಿತೋ ಧೂಳಿ !
ಉದ್ದಕ್ಕೂ, ಅಗಲಕ್ಕೂ, ಏಕೆ ಮರಿಮಾಚಿದೆ ನಿನ್ನ ಸಾರಿ ?
ಓಡಾಡುವ ಜನರು ನಿನ್ನ ಮೇಲೆ ಕೆಂಡಕಾರಿ,
ನಿನ್ನ  ಸುಧಾರಿಸುವವರು  ಹೌಹಾರಿ,
ಭರದಿಂದ ನಡೆದಿದೆ ನಿನ್ನ ಸಿಂಗರಿಸುವ ಕಾಮಗಾರಿ.

***ಭಾವಪ್ರಿಯ***

ಮಿಡಿಯುತಿದೆ ಹೃದಯ

ಚೆಲುವೆ ಕುಳಿತು ಬಿಡು ಹೀಗೆ ಮೌನವಾಗಿ 

ಹೃದಯದ ಮೌನವನ್ನೇ ಆಲಿಸುತ್ತಿರುವೆ ನಿನಗಾಗಿ 

ಮಾತುಗಳ ಬಿನ್ನಹಿಸಲಾರದ ಭಾವನೆಗಳಿಗಾಗಿ

ಮಿಡಿಯುತಿದೆ ಎನ್ನ ಹೃದಯ ನಿನ್ನ ಸಂತೈಸುವುದಕ್ಕಾಗಿ .

ಮನಸದು ನಿನ್ನ ಕಾಡುತಿಹುದು ನಾ ಅರಿಯೆ 

ಮೂಕ ರಾಗದಲಿ  ಹಾಡುತಿದೆ ನಾ ತಿಳಿದೆ

ಬೇಸರವ ದೂರ ಮಾಡಲು ವಿಧಾನವ ಹುಡುಕುತಿರುವೆ

ನಿನ್ನ ಮನದ ಡುಗುಡಕೆ ಎನ್ನ ಹೃದಯ ಮಿಡಿಯುತಿದೆ 

ಅಕ್ಕರೆಯ ತೋರಿಸಿದರೆ ನಿನಗೆ, ನೀ ತಪ್ಪಾಗಿ ತಿಳಿಯದಿರೆ 

ಸಹಾನುಭೂತಿ ಅಲ್ಲ ಅದು ನನ್ನ ಪ್ರೀತಿಯ ಸೆರೆ 

ಸ್ವಾಭಿಮಾನಿ ನೀ , ಧೈಯಶಾಲಿಯೂ ನೀ   

ನಿನ್ನ ಒಂಟಿತನವ ಹೋಗಲಾಡಿಸಲು ಮಿಡಿಯುತಿದೆ ಈ ಹೃದಯ 

ಬಯಸುತ್ತಿರುವ ಪ್ರೀತಿ, ನಿನಗೆ ದೊರಕದೆ 

ನೀ ಬಳಲುತ್ತಿರುವುದ ನಾ ಕಾಣಲಾರೆ

ಸುಮ್ಮನೆ ಕೂಡುವ ಗೆಳೆಯ ನಾನಲ್ಲೇ 

ನಿನ್ನ ಕಂಗಳಲಿ ಆನಂದ ಭಾಷ್ಪ ಕಾಣಲು ಈ ಹೃದಯ ಮಿಡಿಯುತಿದೆ.  

***ಭಾವಪ್ರಿಯ***

ಕನ್ನಡದ ಹುಡುಗಿ

ಕನ್ನಡದ ಹುಡುಗಿ ಈಗ ಬಲು ಜೋರು



ಮದುವೆಕೂ ಮುಂಚೆ ಇರಬೇಕು ಹುಡುಗನ ಬೈಕು ಕಾರು



ನಂತರ ಕೊಡಬೇಕು ಅವಳಿಗೆ ಮನೆಯ ಕಾರು ಬಾರು



ಪ್ರತಿ ವೀಕೆಂಡಿಗೂ ಕೊಡಿಸಬೇಕು ಒಡವೆಗಳು ನೂರಾರು



ಗಂಡನ ಜೇಬು ಚಿಂದಿ ಚೂರು ಚೂರು



ಆಮೇಲೆ ಅವನಿಗೆ ಗತಿಯೇ ನವ್ಯ ಬಾರು.



-ಭಾವಪ್ರಿಯ

ಬಯಸಿದೆ  ಮನ ನಿನ್ನ....  ಸನಿಹಕೆ  ಬಾರೆ..!    

ಬಟ್ಟ ಬಯಲ ಆಗಸದಿ 

ಬೆಳ್ಳಿ ಮೋಡದಂತೆ ನಿನ್ನ ನಗು  

ಹನಿ ಹನಿ ಪೋಣಿಸಿ 

ಮಳೆಗರೆವ ನಿನ್ನ ಪ್ರೀತಿಯ ಸೊಬಗು 

ಚೆಲುವು ಸಿಹಿ ಹಂಚುತ್ತಿರುವ  ಮೆರಗು ಕಂಡು..,  ಬಯಸಿದೆ  ಮನ ನಿನ್ನ... ಸನಿಹಕೆ ಬಾರೆ 

ನಿನ್ನ ಒಲವು ಗೆಲ್ಲುವ ಪರಿ 

ನಾ ಅರಿಯದೆ ಹೋದೆ , ಸರಿ ..!

ಆದರೂ ನಿನ್ನ ಸೂಕ್ಷ್ಮ ಸನ್ನೆ ಸಾಕೆನಗೆ 

ನಿನ್ನ ಪಡಿಯದೇ ನಾ ಬದುಕಲಾರೆ 

ಹೃದಯದ ಪೇಚಾಟಕೆ  ಸುರಿ ನೀ ಅಮೃತ ಧಾರೆ .. ಬಯಸಿದೆ ಮನ ನಿನ್ನ... ಸನಿಹಕೆ ಬಾರೆ 

ಕೋಟಿ ಕೋಟಿ ಇಲ್ಲ ನನ್ನೆಡೆಗೆ 

ಆದರೂ ಕೋಟಿ ಶತಕೋಟಿ ಹರಿಸುವೆ ಒಲುಮೆ 

ಕಲ್ಲು ಮುಳ್ಳುಗಳು ಇರಲಿ ನನ್ನ ಪಾಡಿಗೆ 

ಸದಾ ಹೂ ಮಳೆಯ ಭೋರ್ಗರೆಸುವೆ ನಿನ್ನ ಹಾದಿಗೆ

ನನ್ನ ಬಾಹುಬಂಧನದೊಳು ಇರಿಸಿ  ಪ್ರೀತಿಸುವೆ .......ನಿನ್ನನ್ನೇ ಬಯಸಿದೆ ಮನ.... ಸನಿಹಕೆ ಬಾರೆ    

ಕಣ್ಣು ಮುಚ್ಚಾಲೆ 

ಕಣ್ಣು ಕಣ್ಣಲ್ಲೇ, ಕಣ್ಣು ಮುಚ್ಚಾಲೆ 

ಕಣ್ಣ ಸನ್ನೆಯಲ್ಲೇ ಪ್ರೀತಿಯ ಓಲೆ 

ನವಿರು ಕಣ್ಣಗಳ  ಮೇಲೆ 

ಹಣೆಯ ಚುಂಬಿಸುವ ಮುಂಗುರುಳ ಮಾಲೆ

ಕೆಂಪು ತುಟಿಗಳ ಅಧರದ ಸೆಲೆ 

ಆ ಸುಳಿಗಳಲ್ಲಿ ಸಿಲುಕಿ ಜಾರಿಬಿಡಲೇ   

ತಂಪನೆಯ ಗಾಳಿಯ ಅಲೆ 

ಸೋಕಿದೆ ನಿನ್ನ ಮೃದು ಗಲ್ಲದ ಮೇಲೆ 

ಮೆಲ್ಲುಸಿರು ಗಾನಕೆ ಹಾರಿದೆ ನಿನ್ನ ಕೇಶದ ಬಲೆ 

ನಿನ್ನ ಅಂದಕೆ ಸೋಲದೆ, ನಾ ಹೇಗಿರಲಿ ಬಾಲೆ ?

ನಿನ್ನ ಗೆಜ್ಜೆ ಸದ್ದು ಕೇಳಿದಾಗಲೆಲ್ಲಾ ನಾ ಕವಿಯಾಗಬೇಕು ಅನ್ನಿಸುತ್ತದೆ 


ಆ ನಾದ ಕೇಳದೆ ಹೋದಲ್ಲಿ, ನನ್ನ ಮನಸು ಕಪಿಯಾಗುತ್ತದೆ...!
 
 ಭಾವಪ್ರಿಯ

ನಮ್ಮ ಕನ್ನಡದ ಬ್ಲಾಗು

ನಮ್ಮ ಕನ್ನಡದ ಬ್ಲಾಗು
ಒಂದು ಚಿಂತಕರ ಚಾವಡಿ
ಚಿಗುರು ಕನಸುಗಳಿಗೆ ಒಂದು ಮುನ್ನುಡಿ
ಅರಳುವ ಭಾವಗಳಿಗೆ ಒಂದು ಕೈಪಿಡಿ
ಮನಸಿನ ಭಾವನೆಯ ಹಂಚಿಕೊಳ್ಳಲು ದಿನಚರಿ

ನಮ್ಮ ಕನ್ನಡದ ಬ್ಲಾಗು
ನೊಂದ ಮನಸಿಗೆ ಸಾಂತ್ವನ ಹೇಳುವ ವೇದಿಕೆ
ಸೋತ ಮನಗಳಿಗೆ ಧೈರ್ಯ ತುಂಬುವ ತಾಣ
ಜಯ ಸಾಧಿಸಿದ ಹೃದಯಗಳಿಗೆ ಅಭಿನಂದಿಸುವ ವನ
ಗುರಿಯ ಮುಟ್ಟಲು ಹುರಿದುಂಬಿಸುವ ಬಣ

ನಮ್ಮ ಕನ್ನಡದ ಬ್ಲಾಗು
ನಗೆ ಹಂಚುವ ಹನಿಗವನ
ಉಲ್ಲಾಸ ನೀಡುವ ಪ್ರೀತಿಯ ಗಾನ
ಕವಿ ಕವಿಯಿತ್ರಿಯರ ಸುಮಧುರ ಪದಗಳ ನರ್ತನ
ಪ್ರೀತಿಯ ಹರಿಸುವ ಆನಂದನವನ

ಕನ್ನಡ ಬ್ಲಾಗಿನ ಹುಟ್ಟು ಹಬ್ಬದ ಪ್ರಯಯುಕ್ತ ......
ಪ್ರೀತಿಯಿಂದ ,
" ಭಾವಪ್ರಿಯ "

ಜೋಡಿ ಹಕ್ಕಿ

ಅಕ್ಕ ಪಕ್ಕದ ಮನೆಯ ಜೋಡಿ ಹಕ್ಕಿ

ಯಾರ ಹುಡುಕುವೆ ಹೆಕ್ಕಿಹೆಕ್ಕಿ

ಅತ್ತ, ಇತ್ತ , ಮೇಲೆ ಕೆಳಗೆ

ಆ ಗೂಡಲಿ, ಇ ಮರದಲಿ,

ಏನನ್ನು ನೋಡುತಿರುವೆ ಇಣುಕಿ ಇಣುಕಿ  ?

ಅತ್ತೆಗೊಂದು ಕಾಲ ..

ನೀನು ಅಂದು ನಗುತಿದ್ದೆ ನಿನ್ನ ವಂಚನೆ  ಸಾಧಿಸಿದಿ ಎಂದು...

ಇಂದು ನಾ ನಗುತಿರುವೆನಿನ್ನ  ವಂಚನೆಗೆ ಫಲವ ತಂದು...!

ಅವ್ವ ನನಗ ಇಂತಹ ಹುಡುಗಿನ ಬೇಕ

ಸೀರಿ ಉಡಾಕ ಅಕೀಗ ಬರಬೇಕು
ಹಣಿಯಾಗ ಬೊಟ್ಟಿಡಬೇಕು
ತಲಿತುಂಬಾ ಹೂ ಮುಡಿದಿರಬೇಕು
ತಳಕು ಬಳುಕೋ ನಾಚುವ ಬಳ್ಳಿಯಾಗಿರಬೇಕು
ರೊಟ್ಟಿ ಮಾಡಕ ಬರಬೇಕು
ಮನೀನು ಸ್ವಚ್ಛಗ ಇಡಬೇಕು
ದೇವರ ಪೂಜೆ ಮಾಡಬೇಕು
ಗುರು ಹಿರಿಯರಲ್ಲಿ ಭಕ್ತಿ ಕೂಡ ಇರಬೇಕು
ಗಂಡನ ಮೇಲೆ ಅಭಿಮಾನವಿರಬೇಕು
ಅನುಕಾಲ ಪ್ರೀತಿ ಹರಿಸಬೇಕು
ನನ್ನ ಬಾಳ ಬೆಳಗುವ ನಂದಾದೀಪವಾಗಬೇಕು
ಅವ್ವ ನನಗ ಇಂತಹ ಹುಡುಗಿನ ಬೇಕ.

***ಭಾವಪ್ರಿಯ***