ಕೂಸು

ಹುಟ್ಟಿದಂದು ಪ್ರೀತಿಯ ಹುಲಿ
ಊರಲ್ಲೆಲ್ಲಾ ಭಾರಿ ಮಳಿ
ತುಂಬಿದ್ದವು ಎಲ್ಲಾ ಹೊಳಿ
ಬೆಸೆದವು ಹೊಸ ಸಂಬಂಧ ಸರ್ಪಳಿ ||

ಹಾಲು ಗಲ್ಲದ ಮುದ್ದು ಕಂದ
ಪುಟ್ಟ ಬಾಯ್ತೆರೆದ ಅಳುವೇ ಚಂದ
ಪಿಳಿ ಪಿಳಿ ಬಿಡುವ ಕಣ್ಣನಿಂದ
ಜಗವ ಕಾಣುವ ತವಕದಿ ಮಿಂದ ||

ಕ್ಷಣದಿ ಕಂಡ ಮುಖದ ಹೊಳಪು
ಎತ್ತಿಕೊಂಡೊಡನೆ ಮೈ ನುಣುಪು
ಮುಷ್ಟಿ ತೆರೆದ ಉದ್ದುದ್ದ ಬೆರಳು
ಹೊರಳಾಡಿಸಿ ನೋಡಿದ ಕೊರಳು ||

ಅಜ್ಜಿ ಅಜ್ಜರ ತ್ರಿತಿಯ ಮೊಮ್ಮಗು
ದೊಡ್ಡ ಅಜ್ಜಿ ಕಂಡ ಮರಿಮೊಮ್ಮಗು
ಎರಡೆರೆಡು ಚಿಕ್ಕಪ್ಪರು ಮತ್ತೀರ್ವ ಚಿಕ್ಕಂಮ್ಮಂದಿರು
ಆಡಲು ಅವನಿಗೆ ಅಕ್ಕ ಅಣ್ಣಂದಿರು ||

ಹುಟ್ಟು ಹಠವಾದಿ
ಚೂಟಿ ಚಿತ್ತದಿ
ಕಿರಿ ಕಿರಿ ಮಾಡದ ಕೂಸು
ಮೊಗದಿ ಎಲ್ಲರ ನಗುವ ಹಾಸು  ||