ನಮ್ಮ ಧಾರ್ವಾಡ (ಅಂದು - ಇಂದು)

ಅಂದು ಚಂದಿತ್ತು ನಮ್ಮ ಧಾರ್ವಾಡ ನೋಡ್ರಿ

ಊರಾಗ ಓಡ್ತಿತ್ತು ಟಾಂಗಾ ಗಾಡಿ

ಸಿಬಿಟ್ಯಾಗ ಶೇಂಗಾ, ಲಿಂಬುಳಿ, ಹುರಗಡ್ಲಿ

ಹಿಂದೊಂದು ಬಸ್ಸ್ ಬಂತು ಯಾವುದ್ ನೋಡ್ರಿ…?

ಎಂಟರಿಂದ ಒಂಬತ್ತಕ್ಕ ಸಾಲಿ ಹುಡುಗರ ಓಟ

ಬಸ್ ತಪ್ಪಿದರ.., ತಪ್ಪತಿತ್ತು ಮೊದಲ ಪಾಠ

ವಿಜಿಯಾ ಥೇಟರ್ನ್ಯಾಗ ಅಣ್ಣವರ ಪಿಚ್ಚರ್

ಕಾಲೇಜು ಹುಡುಗೂರು ಕ್ಲಾಸಿಗೆ ಚಕ್ಕರ್

ಎನ್.ಟಿ.ಟಿ.ಎಫ್ ಕಲಿಯೋರು ಭಾರಿ ಜೋರು

ನೌಕರಿ ಮಾಡಾಕ ದೇಶಾನ ಬಿಟ್ಟೋರು

ಕೃಷಿ ವಿಶ್ವವಿದ್ಯಾಲಯದಾಗ ಓದೋದೆ ಚಂದ

ಹಸಿರಿನಿಂದ ಕಂಗೊಳಿಸ್ತಿತ್ತು ಅದರ ಅಂದ

ಇಂದೂ ಚಂದೈತಿ  ನಮ್ಮ ಧಾರ್ವಾಡ ನೋಡ್ರಿ

ಸ್ವಲ್ಪ ಹೆಚ್ಚಗಿ ಆಗ್ಯಾವ.., ಈಗ ಮೋಟರ್ ಗಾಡಿ !!