ಅಪ್ಪು - ಮರೆಯದ ಚೇತನ
ಶುರುವಾಯಿತು ರಾಜಕಾರಣಿಗಳ ಡೊಂಬ್ರಾಟ ...
ಮಂತ್ರಿ, ಖಾತೆ, ಪದವಿಗಳಿಗೆ ಇವರ ಕಿತ್ತಾಟ,
ಬಿಗಿ ಹಿಡಿದ ಕುಪ್ಪಸದ ಉಸಿರು
ನಿಶ್ವಾಸವೂ ಕಠೀಣವಿಂದು
ಕಲ್ಮಶ, ವೈರಾಣು ಕೂಡಿದ ಗಾಳಿಯಲ್ಲಿ
ಉಸಿರಾಟವೇ ಕಷ್ಟ ಈ ಸಮಯದಲ್ಲಿ !
ಲಸಿಕೆ ಮೂಡಿಸಿದ ಭರವಸೆ
ಜವಾಬ್ದಾರಿ ಹೊರುವರು ಯಾರಿಲ್ಲಿ ?
ಆರೋಗ್ಯವಾಗಿದ್ದ ಮನುಷ್ಯ ಇಂದು
ತಡೆಮದ್ದಿನಿಂದಲೇ ಜೀವ ತೊರೆದನಿಲ್ಲಿ !
ಭಯ ಹುಟ್ಟಿಸಿದ ವೈರಾಣು
ಸದ್ದಿಲ್ಲದೇ ಮಾಡಿದೆ ಹೈರಾಣು
ಸಂಖ್ಯೆ ಕಡಿಮೆಗೊಂಡರೂ
ಧೈರ್ಯವೇ ಸಾಲದು ಬೆರೆತು ಮೆರೆಯಲು !
ಸ್ನೇಹಿತರು ಬಂಧುಗಳು ಬಂದರೂ
ಅನುಮಾನ ಪಡೋದೆ ಸವಾಲು
ಯಾವ ರೂಪದಲ್ಲಿರುವಳೊ ಮಹಾಮಾರಿ
ಅವುಚಿಕೊಳ್ಳುವಳೊ ಯಾಮಾರಿ..!
ಹೇಗೆ ಹುಟ್ಟಿಕೊಂಡಿತೋ ಈ ಕುತ್ತು
ಕ್ಷಣ ಕ್ಷಣಕ್ಕೂ ತಪ್ಪದ ಆಪತ್ತು
ವಿಶ್ವಾಸದ ಆಶಾಕಿರಣ ಚಿಗುರುವುದೆಂದೋ
ಮತ್ತೆ ನಲಿವಿನ ವೇಳೆ ಬರುವುದೆಂದೋ..!
***ಭಾವಪ್ರಿಯ***
ಕನ್ನಡ ಪ್ರೇಮಿ ನಾನು
ಕನ್ನಡದ ಅಭಿಮಾನಿ
ಕನ್ನಡ ತನವ ಪ್ರದರ್ಶಿಸಲು
ನನಗೆ....,
ಯಾವ ದೊಣ್ಣೆ ನಾಯಕನ ಸವಾಲು ?
ಕನ್ನಡ ಪುಸ್ತಕ ವಿತರಿಸಿ,
ಭಾಷೆ ಬೆಳೆಸುವ ಕಾಲ ಇಂದಿಲ್ಲ..!
ಕನ್ನಡದ ಅನ್ನವ ತಿಂದು,
ನಮ್ಮನ್ನೇ ಹೀಗಳೆವರೆಲ್ಲಾ....!
ಸಾಹಿತ್ಯದ ಗಂಧ ಇರದವರು
ಪಡ್ಡೆ ನೀತಿಯ ಭೋಧಿಸುವರು !
ನೆಲೆ ಕೊಟ್ಟ ನೆಲಕ್ಕೆ .,
ಕಿಂಚಿತ್ತು ಅಭಿಮಾನವಿಲ್ಲದವರು
ಊರು ಬಿಟ್ಟು ಬಂದ ಅಲೆಮಾರಿಗಳು,
ಕನ್ನಡದ ವಿರುದ್ಧವೇ ವಿಜಯೋತ್ಸವ ಆಚರಿಸಿದರು ! 👿
ಕನ್ನಡಿಗರ ಸೌಮ್ಯ ಗುಣವಿದು
ಸಂಚು ಮಾಡುವವರಿಗೆ ದಾರಿ ದೀಪವಾಗಿಹುದು.
ನಮ್ಮ ನೆಲದಲ್ಲಿ ರಾರಾಜಿಸಿದರೆ ನಮ್ಮ ಬಾವುಟ
ದುಷ್ಟರಿಗೇಕೆ ಹೊಟ್ಟೆ ಸಂಕಟ ?
ನಮ್ಮ ಬಾವುಟ ಹಾರಿಸುವುದು ನಮ್ಮ ಹಕ್ಕು,
ಬಿಡಲೊಲ್ಲೆ ಅನ್ನುವರಿಗೆ ಎಲ್ಲಿಯ ಸೊಕ್ಕು.?
ವಿಶಾಲತೆ ತೋರಿದ್ದು ಸಾಕು ಇನ್ನೂ..,
ತಿರುಗಿ ಬೀಳುವುದು ಮುಂದೆ ತೀಕ್ಷಣ ಕಣ್ಣು.
ಮರ್ಕಟನ ಬಾಲ ಮುದುಡಿದರೆ ಚೆನ್ನ
ಇಲ್ಲವಾದರೆ ಬೈಲಿಗೆಳೆವೆವು ಇವರ ಬಣ್ಣ.( ಚೊಣ್ಣ)😉
*********ಸುನಿಲ್ ಅಗಡಿ*********
೩೧-೧೨-೨೦೨೦
